|
بوندان كي آنا ديليمي دوز يازا بيلميرم ايستيرم هاي سالام ! آما بو حال دا ايستيرم آنا ديليمده يازام ، سايت دوزلدم و... چارم نه دير؟ هر حال دا غلط توركجه يازماغي بيزه باغيشلايون!
شهريورين 27 سي شهريارين ايل دونومو مناسبتينه
قارانليقدا پارلايان اولدوز
سيد محمدحسين بهجت تبريزي 1285اينجي گونش ايلينين شهريور آييندا تبريزين ميرزانصرالله بازارچاسيندا "چاي قيراغي" آنادان اولدو. 1288 دا تبريزين انقلابلارينا گوره عائله سيله "خشكناب" كندينه كوچدو. شهريار ايلك تحصيلاتين خشكنابين مكتبينده قران و حافظين ديوانين اوخوماقلا باشلادي. 1291 ده خانواده سيله تبريزه قاييتدي و شهريار "طالبيه" مدرسه سينده عرب ديلي و اوز ائوينده فرانسا ديلين اورگنماغا باشلادي. شهريار اوشاقليق زمانيندان شعر دئماغي باشلادي و شعر دئمكده اوز دوزگون استعدادين گورستدي. 1299 دا تهرانا كوچوب و بير ايل سونرا "دارالفنون"دا تحصيله مشغول اولدو. 1303 دا آتاسينين اصراريله "مدرسه ي عالي طب" دا طيب اوخوماغا باشلادي. اوز عشقيندن آيريلماق و روحي بحرانلار باعث اولدي آخر ترمده تحصيلاتين بوشلاسين .1310 دا شهريارين ديواني (سعيد نفيسي ، ملك الشعراى بهارو پژمان بختياري نين مقدمه سيله ) چاپ اولوندي. بو ايللرده شهريار "ثبت اسناد و املاك" اداره سينده ايشليردي.
1313 اينجي ايلينين رمضان آيينين 23 ده آتاسي سيد اسماعيل موسوي "حاج ميرآقا خشكنابي " اولدو. بو ايللرده شهريار فارس ادبياتينين پارلايان اولدوزي ساييليردي و چوخلي بويوك ادبي ييغينجاقلاردا حاضر اولوردو.
1329-1330 اينجي ايللرده آناسيله گوروشمك و اوشاقليك خاطره لرينين ديريلمه سيله "حيدربابايه سلام" منظومه سين ياراتدي. بو شعر معاصر توركي ادبياتيندا بير انقلاب ياراديب و اياق آلتيندا قالان توركي ديلينه بير تازا جان وئردي.
1331 اينجي ايلينين تير آيينين31ده آناسي"كوكب خانم" تهراندا دونيا دان كوچدو و شهريار 1332دا تبريزه قاييدي. بير ايلدن سونرا بيرينجي اوشاقي "شهرزاد" آنادان اولدو. 1343دا خشكنابدان گوروش ائتدي و ايكينجي حيدرباباني يازدي. 1345 دا "بولودقاراچورلو" نون جوابيندا "سهنديه" شعرين ياراتدي. بو ايللرده شهريارين شهرتي ايران مرزلرين آشيب و قفقاز و توركيه ده شعرلري چاپ اولوب و اولاردان چوخ ايستيقبال اولدو.
1353 ايلينين بهمن آييندا اوستادين آروادي"عزيزه خانم" فوت ائتدي.
بو ايللرده شهريار تبريزده ياشاييب و چوخلي شاعرلر و يازيچيلار اوستادي گورمك اوچون تبريزه گليب و اوستاديله گوروشوبلر.
1367 دا شهريار ناخوشلاييب و تهرانين "مهر" خسته خاناسيندا ياتير و بويوك شاعرلر و يازيچيلار اوستادين گورمكينه گئديرلر . او جمله دن مهدي اخوان ثالث، مفتون اميني، فريدون مشيري، سيمين بهبهاني و... جينابلاريندان آد آپارماق اولار.
شهريور آيينين 27 سينده سحر ساعت6:45دقيقه ده شهريار بو فاني دونيا دان گوز يومور و شهريور آيينين 29دا عمومي ماتم ايچينده تبريزين مقبره الشعرا سيندا توپراقا تاپيشيلير.
شهريار آذربايجان ميلتينين قارانليق گونلرينده، اولارين اوزونه بير ايشيق قاپي آچيب و آذربايجانين آلينميش جانين قايتاردي. حيدربابا آز بير زاماندا آذربايجان ميلتينين ازبري اولدو و هامي، اوشاقدان توتوب بويوكه و بيسواددان توتوب سوادلييا قدر اوزلوق لارين بو شعرده تاپديلار. شهريار اولارا كي تصور ائليير ديلر توركي ديلي ايراندا آرادان گئتمه ليدير و يا توركي شعر يازماق چتين ايشدير و...! ثابت ائتدي كي توركي ديلينده ده ائله اثرلر ياراتماق اولار كي نه فقط تورك دونياسي بلكه اوبيري ميلتلر آراسيندا دا بير بويوك و ارزيشلي اثر تانينسين.
توركي بيرچشمه ايسه من اونو دريا ائله ديم بيرسويوق معركه ني محشركبرا ائله ديم
بير ايشيلتي ايدي سها اولدوزوتك گورسنمز گوزياشيملا من اونو عقد ثريا ائله ديم
اميديم واركي بودريا هله اقيانوس اولا اونا ضامن بوزمينه كي مهيا ائله ديم
سون
بو یازینین اوخونماق سایی: 850
|
