|
مغرور دايان آلنين آچيق اوزون آق تك آللاها اگيل اركيم ، آي اركيم
اوندان باشقا سن بير كسه اگيلمه قارشيندا گور اگيلر كيم آي اركيم
--------------------------------------------------------------------------------
بو تبريزين اوجا اركيدير
قالديريب بوينوني گويلره ساري
كبر و جلال و افتخارينان
گونشيله اولدوز اونون اويناشي
فيرتانالي بولوت قونشوسي اولان
يئنيلمز قراوول قوجا تبريزه
اونون سينه سينده پارلايان نيشان
قهرمانليقين بويوك قورقوسي
بير ياپراقدير تبريزين عمرونون خزانيندان
هر كرپيج كي بدنيندن آيريليب
ملتين غروروندان بير يارا ويريب
هر گولله كي اونا آتيليب
اما هر ساواشين گون باتانيندا
ظفر بايراقيني الينه آليب
قورتولماز افتخار ائله قازانيب
ديوارلارينين كولگه سينده غم
مغوليله ايلخانين ظولوم رنگيندن
آجي خاطره لر اوره گينده باسديريب
تزاريله عثمانينين سلطنتيندن
گوروبدير، اوزونه گتيرميبدير
فتنه لر قوناقليق، بزمين ايچيندن
ياديله تانيشين اوره گين سيخيب
اي ارك هميشه قال سن آماندا
يئريله گويلرين دوري قالينجا
نغمه لر يازيلسين اوجا شاءنيوه
شاعيرلر دونيادا شعر يازينجا
قالاجاقديرسنين آدين و يادين
قوجامان تبريزين خاطيراتيندا
بيزيم افتخار كعبه ميز اي ارك
(( يدالله مفتون اميني))
(شعرين اصلي فارسجا)
ارك قالاسي سيزيلدايير . . .
بو یازینین اوخونماق سایی: 626
|
