|
گجيل سايتي ايران ISP لرينين توسطيله فيلتر اولوندي!!؟؟
يئتيشن خبر لره گوره ايرانين نئچه ISP سي گجيل سايتين فيلتر ائديب لر!!
بو علت سيز و گولملي ايش بيزي اوز يولوموزو ائدامه وئرمك دن قويماييب بيزه اوميد وئرير! نيه كي شونيست لرين چوخ كيچيك و چوخ قورخاقليق لارين بيزه آيدين لادير. گجيل سايتي چاليشير دي تا سياسي مطلب لره قاتيش ماييب و تكجه آذربايجانين فرهنگ ساحه سين ده چاليشا ، آمما ائله بو كيچيك ايش ده شوونيست لره آغير گليب اونو سانسور ائتديلر!
هر حالدا بوندا سونرا گجيل سايتينا گئتمك اوچون ( اگر عمومي روش لردن گئده بيلمه سيز) اينترنت ده اولان فيلتر سينديران لاردان فايدالانا بيلر سينيز. ( خصوصيله بو سايت دان http://www.jaamjam.com )
--------------------------------------------------------------------------------
تبريزين اسكي تاريخي و ...
1377 اينجي گونش ايلينين اسفند آييندا تبريز شهرداريسي نين ايشچي لريندن بيري گوي مچيدين يانيندا اولان قازينتيلاردا باستاني و عتيقه شئيلرين تاپيلماسيني فرهنگي ميراث سازمانينا اطلاع وئرير، اوحالدا كي اوردا اولان پيمانكار بو مطلبي بيله بيله اوز ايشينه ادامه وئريب و بو اثرلرين چوخوني آرادان آپارميش دير!؟؟. بو زمان فرهنگي ميراث سازماني نين ايش بيلنلري اوردا تحقيقي باشلاييب و عتيقه سفال تيكه لرين تاپماغيله بو يئرين باستاني اولماقين و اوردا بير اسكي مدنيت يئرلشمه سين بيلديرديلر.
1378 اينجي ايلينده بو سازمانين ايش بيلنلري بو منطقه ده اكتشافي قازينتيلار ائديب و بو عملياتدا 39دانا قديمي گور تاپيلدي و بو منطقه نين بويوك و ديرلي بيرتمدن اولماغيني بيلينديردي. بواثرلرين ياشي بيرينجي آراشديرمالاردا 1000 ايل مسيح ميلاديندان قاباق تخمين ويريلدي.
تربيت مدرس دانشگاهينين باستانشناسليق گروهي و بير هيات ده تبريزيله تهرانين باستانشناسلاريندان اوز ايشلريني 1379 اينجي ايلين شهريور آييندا بو منطقه ده باشلاييب و بويوك بير باستاني اكتشافا ال تاپديلار. بوقازينتيلاردا يوزلر دانا گور 1000ايل مسيح ميلاديندان قاباق تاپيلدي.
بومنطقه ايراندا دمير عصرينين بويوك تاپيلميش مركزلريندن ساييلير و اگر بو منطقه نين چوخي بولدوزرلر آلتيندا آرادان گئتمه سيدي و قالان اثرلرين اوستونده ده دوزگون و علمي آراشديرمالار اولونسايدي تبريزين و آذربايجانين اسكي تاريخي و اونون ياشين آيدينلاتماق اولاردي.
ايندي اگر بو منطقه يه يولونوز دوشسه گوي مچيدين يانيندا يئني باستاني اثرلر بتن دان، دميردن و مرمردن گوره جاقسينيز كي هر يولدان گئچه نه آغزين ايير! بو یازینین اوخونماق سایی: 870
|
