|
|
اومودلار
ياشام دنيزينده عومروموز هر آن
گونلرين چورودور قوجا ساحيلده
آردي کسيلمه ين چرپينتيلاردان
ديلسيز بير يورغونلوق قالير کؤنولده
اييلير اؤنونده اسن يئللرين
حسرت يوکلنديکجه آرزو يئلکني
دوراقسيز يوللارا تيکير گؤزونو
بوراخا بيلمه يير يوزلر " بلکه" ني
يالنيز اومودلاردير سئوگي يولوندا
سايرشير اوزاقدان بير اولدوز کيمي
ياپيشير اليندن يورغون حياتين
سئوينجي پايلاشير گولر اوز کيمي
اسماعيل جميلي |
بو یازینین اوخونماق سایی: 604
|
