رسم وفا "فوضولي"، سنده کماله يئتميش
خوش کامل زمان سان، احسنت بو کماله
ملا محمد
فوضولي تخمينأ 1498 نجي ايلده عراقين کربلا شهرينده دوغولموش و تحصيلاتيني بغداددا
قورتارميشدير.
ايلک دفعه اولو آذربايجان شاعيري ((گنجه لي نظامي)) نين ((ليلي و مجنون)) اثريني
آنا ديلينده بويوک صنعتکارليقلا قلمه آلميش و ((بنگ وباده))و((صحبت الاثمار)) کيمي
تمثيلي اثرلري يازميشدير. شاعيرين تورکيه حکمداري سلطان سليمانا يازديغي تورکجه
عريضه ادبيات تاريخينده ((شکايتنامه)) آدي ايله مشهور دور.
فوضولي تورک، عرب و فارس ديللرينده قصيده لري آيريجا بير اثر کيمي ترتيب ائديب و
اونلارا خصوصي بير مقدمه ده يازميشدير. او فارس ديلينده ديوان دان علاوه، ((رند و
زاهد))و((صحت ومرض)) آدلي نثر، ((هفت جام))و ((انيس القلب)) آدلي منظوم اثرلر و عرب
ديلينده ((مطلع الاعتقاد)) آدلي بير فلسفي اثر يازميش دير.
فوضولي بويوک انسان سئور بير شاعير
دير. او انساني بيليک لي، امک سئور و
عدالت لي گورمک ايسته يير و دورونون قان ايچه ن حکمدارلارينا، شاه و شاهزاده لرينه
و عموميتله سرايلارين اسارتينه و ظولمونه قارشي نفرتيني بيلديرير.
فوضولينين محبت ترانه لري بو گونده اوز يوکسک بديعي قودرتيني ساخلايير و ايلک دفعه
ميلادي 1828 ايلينده تبريزده چاپ اولونان فوضولينين ديواني ايستانبولدا، بولاقدا،
قازاندا، تاشکندده، خيوه ده، باکي دا و تورک دونياسينين باشقا شهرلرينده چاپ
اولونوب و روس، آلمان، فرانسه و انگليس ديللرينه ده چئوريلميشدير.
فوضولي 1558 نجي ايلده کربلادا وفات ائتميشدير.
فوضولي نين آدي آذربايجان ادبياتينين زيروه سينده عصرلرجه پارلاياجاق و اونون
ياراتديغي اثرلر بوتون تورک ائللرينين اوره کلري و ديللرينده ياشاياجاقدير.
ح. آراسلي
فوضولي
شعرينله، فيکرينله دولويام اوستاد
ائله بيل اوره ييم باهارلا دولوب
گئجه- گوندوز يازيب، پوزدوغوم سوزلر
سانکي گول- چيچک دير، بير اوشاغ يولوب
دسته
باغلاماغي باجارمير آنجاق
گاه بونو- گاه اونو گوتورور، باخير
موشکوله دوشموشم، قيناما اوستاد
آدينا باغلانيب بو دسته آخي!
سني
آختاريرام سوزلر ايچينده
يوخ، آدينا لاييق سوز آختاريرام
درديني، ناله ني دويان بير اوره ک
موحنتيني گوره ن گوز آختاريرام
بيليرم ائل دردي، وطن حسرتي
قورو سازاق کيمي سني کسيبدير
هر
وطن دئينده ياشاريب گوزون
دوداغين تيتره ييب، ديلين اسيبدير
وطن
بعضأ دردلي، بعضأ نشه لي
دوشونن، يارادان انسان دئمکدير
يوز
چايي، يوز چولو، يوز د اغي اولسون
انسانسيز بير تورپاغ نييه گرکدير!
تورپاق سيز انساندا يوواسيز قوشدور
عومرون بورانيندان نئجه قورونسون
قانادلي بير قوشدا، نه قدر اوچسا
آخيردا گرکدير بير يئره قونسون
داغلاردا گورموشم، قايالاردا من
باشي بولودلاردا شلاله لرده
بوداقلاري بيتراق بهرلي باغلار
چوله يانغين سالان تر لاله لرده
بس
نئچين يوردومون داشي، تورپاغي
هر چولدن- چمندن منه عزيز دير؟
نه
دندير آرازين بولانليق سويو
دورو گوز ياشيندان منه تميزدير؟
دئييرلر عراقدان آيريلماميسان
عومرون کربلادا باغداددا کئچيب
اگر
دوغما ايدي سنه او يئرلر
نييه بوتون عومرون فرياددا کئچيب؟
بير
داش اوره کلي يه کونول وئرميسن
يانديريب قلبيني کوله دونده ريب
بس
نئجه حکمتدير يانان اوره کدن
چيخان هر سوزونو گوله دونده ريب
يانيق نغمه لرين ياييلدي ائله
اوميدين گوزونده بير چنه دوندو
بيرجه مورادينلا دونمه دي دوران
مورادينا قارشي دوندو، نه دوندو
اوره
ييم شعرينله دولودور اوستاد!
يازيب- پوزدوقلاريم واراق- واراق دير
بو
چتين يوللاردا منزيل باشينا
مني محبتين آپاراجاقدير
رسول رضا
