|
يايدا يايلاقيمدير، قيشدا اويلاغيم
يازدا سئيرانگاهيم بو داغلار منيم
كوچوروب ائللرين پاييز آيلاري
گوزوم گوروب، كونلوم بودور آغلار منيم
بير ياقوت ياناقلي ياسمن خالليم
دهاني كوثرليم لبلري بالليم
ائله ايلغار وئريب ليلي مثالليم
اونونچون مسكنيمدير بو داغلار منيم
كامل اووچو ايتيرنده مارالي
كسيلر آرامي، صبري، قرالي
((علعسگر)) م دوشدوم ياردان آرالي
چكيلدي سينه مه بو داغلار منيم یازان: آشيق علعسگر گؤنده رن: Redaktor webmaster@gajil.20m.com بو یازینین اوخونماق سایی: 888
|
