|
سپيلميشه م توخوم تك
من گئجه تارلاسيندا
بيتميشه م چيچك كيمي
قارانليق هاواسيندا
ساچيم ايشيق تك پارلاق
پارلانميشام گوموش تك
اوچورام گويلرده من
قانادلانيب آغ قوش تك
هر كيم منه اوخشاسا
ايشيقلانار گويلرده
منيم كيمي ياشاسا
نغمه اولار ديللرده
هر كيم منه خوش باخسا
قارانليقدا ساچيلار
ايشيقلي بير گول كيمي
چيچك آچار آچيلار
هر كيم منه خور باخسا
قارانليقدا بوغولار
اوره يينده بايقوشلار
يووا سالار دوغولار
ابدي بير چيراغام
من اولدوزام سونمه زم
حقيقتين اوغروندا
اوز يولومدان دونمه زم یازان: رامين جهانگيرزاده بيگيدلو گؤنده رن: Redaktor webmaster@gajil.20m.com بو یازینین اوخونماق سایی: 793
|
