|
منيم آديم گؤيرچين
قانادلاريم چين به چين.
ماوي سما مکانيم
آغ بولوددور هر يانيم.
قارانليقدان بئزارام
گئجهيله يوخدور آرام.
ايستهرم کي هر زامان
نه چن اولا نه دومان.
سما اوزو آچيلا
دونيايا نور ساچيلا.
يئر اوزو باشدان باشا
چيچکله دولوب داشا.
باغلاردا گوللر اچا
دوزلرده مارال قاچا.
نغمهلر سوزه ديلدن
غم سيلينه کؤنولدن.
هامي سئوينه گوله
شنليک ياييلا ائله.
گونش گويده نور ساچا
آرزولاريم گول آچا.
.منده گزهم سماني
شاقراق گؤرم هر ياني.
اوندادير کي دئيهرلر-
منه هر آخشام – سحر:
- اي قانادي چين به چين
آغ کؤينکلي گؤيرچين!
قاناد آچ گؤيده دولان
سن باريشيق قوشوسان! یازان: ائلدار موغانلي گؤنده رن: Redaktor webmaster@gajil.20m.com بو یازینین اوخونماق سایی: 629
|
