|
پاي پياده دوشورم چوللره
خارمغيلان گورورم قورخمورام
سيرائديرم بروبيابانلراي
غول بيابان گورورم قورخمورام
گاه اولورام بحرده زورق نشين
دالغالي طوفان گورورم قورخمورام
گه چيخيرام ساحله هر ياندا بير
وحشي غران گورورم قورخمورام
گاه شفق تك دوشورم داغلارا
يانقيلي وولقان گورورم قورخمورام
گه انيرم سايه تك اورمانلارا
ييرتيجي حيوان گورورم قورخمورام
اوزقويورام گاه نيستانلارا
بيرسوري اصلان گورورم قورخمورام
مقبرليكده ائله رم گه مكان
قبرده خورتدان گورورم قورخمورام
منزل اولور گه منه ويرانه لر
جن گورورم،جان گورورم قورخمورام
خارجي ملكونده حتي گزيب
چوخ تحف انسان گورورم قورخمورام
بوكره ي ارضده من مختصر
مختلف الوان گورورم قورخمورام
ليك بو قورخمازليق ايله دوغروسي
آي داداش، واللهي باللهي تاللهي
هاردا مسلمان گورورم قورخورام
بي سبب قورخمورام وجهي وار
نيله ييم آخر بويوخ اولموشلارون
فيكريني قان قان گورورم قورخورام
قورخورام قورخورام قورخورام یازان: صابیر گؤنده رن: Redaktor webmaster@gajil.20m.com بو یازینین اوخونماق سایی: 810
|
