|
بير گورچين كيمي دنسيز له ميشم
بلبلم يازدا چمن سيز له ميشم
اسكيدن شانلي شرفلي ائليديم
دشمنه قارشي امان سيز سئليديم
زيروه سي چنلي دومانلي بئليديم
ايندي مدت دي كي چنسيز له ميشم
منده اردم لي ارن لر واريميش
ستارا بابكه تاي لار ياشاميش
اوقدر ائل جه بيلن لر ياشاميش
ايندي من ارسيز ارن سيز له ميشم
دردمين يوخ آدي عنواني دئسم
حيرته قالديرير انساني دئسم
باشقا بير سوزله بو معناني دئسم
اوز دياريم ده وطن سيز له ميشم
درد مني يانديرير اما اودي يوخ
اونلا آغزيمدا حياتين دادي يوخ
دئميرم درد لر ايچينده آدي يوخ
دئييرم من بئله من سيز له ميشم
اي منيم من ليگيم ايمداديمه يت
دور گه بير منله قووش داديمه يت
مني باس باغرووا فرياديمه يت
بي لئين كي نئجه سنسيز له ميشم یازان: آيتك آذر نژاد گؤنده رن: Redaktor webmaster@gajil.20m.com بو یازینین اوخونماق سایی: 1062
|
