|
سئوگیلیم
علی توده
سئوگيليم بيليرم سن چيچک کيمی
باهار. اولفت. سئوينج. ايشيق سئويرسن.
صداقتله دولو بير اورک کيمی
منی اوزوندن ده آرتيق سئويرسن.
گوندوزلر سن دونسن جوشغون بولاغا
چاغلايان دويغوندا منم. سئوگيليم!
گئجه لر سن گيرسن راحات ياتاغا
ناراحات يوخوندا منم. سئوگيليم!
کيم اوز سئوديگينی قايغی لی گوزله
اوزوندن ده آرتيق سئومه سه اگر
سينه سی دولاندا دئ هانسی سوزله
سئوگی دن دانيشار. سئوگی دن دئير؟..
یازان: علی توده گؤنده رن: firudin archan_azari@yahoo.com بو یازینین اوخونماق سایی: 827
|
