|
ده یمز
سؤزو یالان چیخمیش کاوس آدلی بیر دوستوما:
اومودوم وار بو شئعری اوخویاندان سونرا داها
وئردیگی سؤزلره عمل ائله سین.
قوی جییه رینی داغلاسین آل گونش
یالانی شربتین ایچمه یه ده یمز
قوی آپارسین دالغالار سنی, سئل سنی
نامرد کؤرپوسوندن کئچمه یه ده یمز.
یامان گونده دادا چاتار آشینا
رحم ائله آی دوست گؤزلریمین یاشینا
من یازیغین تیفاغینی باشینا
اوچورتما آی اوغلان اوچماغا ده یمز.
تک بؤیوک کیچیگه وئرمز نصیحت
منزیل هارادادی اورادادی نییت
من اؤلسم ده مندن سنه وصییت
فایداسیز سونبولو بیچمه یه ده یمز.
گئجه- گوندوز باش- گؤزونو یولونجا
اؤزونو وور ایکی باشلی قیلینجا
مورووت سیز اینسانلارین دالینجا
آغلایا- آغلایا قاچماغا ده یمز.
قولوم باغلی یولو یانسین دییه نین
دیلی یانسین یالاندان سؤز دئیه نین
یادیندا قالسین هر پئنجک گئیه نین
قاباغیندا ال آچماغا ده یمز.
دئه نمیزم بیر سؤز گلیب دیلیمه
اولسون بیر گون فورصت دوشر الیمه
زحمته دوشمه منیم هئیکلیمه
شالواری چیخاردیب ...اغا ده یمز!
یازان: فریدون محمدی آرچان گؤنده رن: firudin archan_azari@yahoo.com بو یازینین اوخونماق سایی: 543
|
