من وارام مين ايللره يئنيلمه ين ظاليم زامان باسقيسينا باش ايمه ين بير گون سلطان ساوالان تک اود پوسکورن اوره گ اودو داشي ياخان بير گون درين دردين اودان وولکانيني ياتيشديران بر گون دولو بولودلاري زيروه لرده باريشديران اؤلکه اؤلکه اؤزگورلوگون قوشلاريني اوچوشدوران من وارام بيرگون دردلي اوره گ کيمي بير گون اينجه ايپک کيمي بير گون پولاد بيلک کيمي من وارام ائليمين سارسيلماز گوج ايله من وارام ده دم ده ده قورقود بيلينج ايله من وارام تاريخ يازان اولو بابک قلينج ايله من وارام نسيمينين انالحق هارايندا من وارام فضولونون غزل سارايندا من وارام ستارخانين غيرتينده نگار هجر زينب پاشا جراتينده من وارام اوزه ييرين نغمه سينده شهريارين نيسگيل دولو سينه سينده قارا داغدان قارا باغا اوزانلارين ساز سسينده من وارام پارچالانان اوره گيمين اوتايندا بو تايندا من وارام لايلا لارين گوي قورشاغي قاناديندا دونيالار بزه ين اينجيلر دنيزي آنا ديليمله انسانليغا نظاميلر مولانا لار بخش ائدن ائليمله من وارام آذزبايجان دنياسينين سوفره سينده کور اوغلونون داغ تيتره دن نعره سينده يارينلارا اومودلانان آرزولارين دوداغيندا يئنيليگين ياشيللانان بوداغيندا من وارام آزادليغين سوراغيندا خوش آرزويلا سئوگي دولو اوره گيله شن ياشايش ديلگيله من وارام وارليغيما اويونه اويونه وقتسيز سولان چيچگيمه دويونه دويونه من وارام اؤلکه بويدا بير دوستاقدا اسلانلارين دؤزومونده درين آيدين گؤزونده قورتولوش عشقينين وولکان کؤزونده من وارام وار اولاجاغام چاغلا ايره ليين يئپرانماز دار گونده يئلماز ده ده قورقود بيلينجيله اولو بابک قلينجيله
بو یازینین اوخونماق سایی: 507
گجيل سايتي لينکي
وئريلن سايت يا يازيلارين محتواسيندان
سوروملو دئييل.
