|
|
|
|
|
اسماعيل
جميلينين شعرلري
: شعرين آدي:
درينلردن يوکسه ليريک
|
|
درينلردن دالغالانير بيزيم دنيز
درينلردن اوجاليريق هر آندا بيز
درينلردن پايلاشيريق ياز سئوگيسين
درينلردن هايلاشيريق سئودا سسين
درينلردن بيرلشيريک
داملا داملا قوجاقلاشان
دنيز بويدا دالغالانان سولار کيمي
درينلردن گله جگه يوللانيريق
يورولمايان يوللار کيمي
درينلردن کؤکله نيريک
آنا تورپاق سارسين کؤنول ياراسيني
گؤزو يولدا يار بوينونا
سالسين قولون بنوشه لر سارماشيغي
چالسين سازين ائل آشيغي
درينلردن دورولوروق بولاغ کيمي
زيروه لري اؤپن گونش
چيميزديرسين دان اولدوزون
ساوالانين گؤي گؤلونده
درينلردن پايلاشيريق
يوز ايللرين نيسگيل دولو ناغيللارين
گونو گوندن آلچالانلار
گئريليگين لش قوخوسون
ياز گؤزله ين فيدانلارا اسديرمه سين
درينلردن يارپاقلانير اورمانيميز
يابان خزان گؤز وورماسين گولوموزه
ديازليقدا بوغولانلار
قارانليقلا يوغرولانلار
سئرتيلماسين اوزوموزه
درينلردن بيرله شيريک
غيرتي ديللرده دستان
نور قاياسي آذربايجان
آلقيشلاسين گله جگي
سئوگيميزين نغمه سيله
اؤزگورلوگون شن سسيله
درينلردن دالغالانير بيزيم دنيز
درينلردن اوجاليريق هر آندا بيزبو یازینین اوخونماق سایی: 514
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
