|
|
|
|
|
اسماعيل
جميلينين شعرلري
: شعرين آدي:
قوجا دونيا دؤنمه ده دير
|
|
اينانجلارين اوستونودور
گاليله نين باغيشلانماز آيدين کوفرو
بو يووارلاق
حقيقتين بوتونودور
يووارلاقلار دونياسيندا
يووارلانان بو گؤزه لليک
بو اؤزه لليک
دؤنوملرده چورويه جک دؤنمه ينلر
سونسوزلوقدا سون آختاران ايتيره نلر
آغيللاري ديازليقدا ديبسز گويدن
قورخو دولو شيرين سارساق ناغيللاري
ائنديره نلر
کؤهوللرين اوهاميندا دولانانلار
آيدينليقدا سوزالانلار
دولانيمي دييشيمي هپ دانانلار
قوجا دونيا دؤنمه ده دير
قيفيللي قوتسال قافالار
قادا قورخو هاي کويونده
ايره ليشي توتسالاردا
جهل بويدا دورغونلوغون دوستاغيندا
اؤلموش چوروک دويغولاري قوسسالاردا
قوجا دونيا دؤنمه ده دير
دؤنمه ده دير بويوک قاليله نين کوفرو
بو يووارلاق
بو گؤزه لليک
بو اؤزه لليک
بو یازینین اوخونماق سایی: 557
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
