|
|
|
|
|
اسماعيل
جميلينين شعرلري
: شعرين آدي:
تهران
|
|
ایللرین آچیق یاراسی
قولدورلارین باش قالاسی
بویالی ایلانلار یوواسی
میلیونلار یازیق چاره سیز یورغون
میلیونلار گونو گونه جالایان پوزغون
دالان دالان دوستاقلاری
انسانلیغین اوز قاراسی
فتنه اوجاغی فریلداق اوداغی
ناخیشلی سوسلو زه هر بارداغی
یوز ایللر چال چاپین یاتاغی
ظلمون باش کندی
ظالیمین دوراغی
تهران
ساتقینلیغین قیزغین بازاری
کورپه اومودلارین مزاری
هورومچکلی سیاستین یازاری
بوغوجو قوخوسو یاشامی بوغان
قودوزلارا گئنیش میدان
گؤی دلنلر کؤلگه سینده
قارا گونلو دخمه لری قان قوسان
یوخسوللوقدان فیدان قیزلار
پولا ساتیلان اوجوز آلینان
تهران
سرایلاری حجّه گئدن تولکولره یغینجاق
بازارلاری دولو یالان فریلداق اویونجاق
گوجلو لری یازیقلارا ظالیم قانلی پیچاق
ظالیمه سومسونن قورخاق دیله نن یالتاق
تهران
دوستلوغو حیله اورتاقلیغی خیانت
اوزو بزه کلی شکر دیللی
ایچی دولو رذالت
ساتقینلیغی باشاری
آلچاقلیغی معرفت
چنگالیندا اسیر قارا گون میللت
تهران
آرابالار دومانیندا آخساق یوروین
بوغونتوسو اؤلکه نی بوروین
قاچاقاچدا انسانلاری چوروین
یاشامی فلاکته سوروین
شهرلری کندلری تالایان
قارا قانی سوردوقجا سوسویان
تیخدیقجا آجیخان
قاریمیش دامارلاریندا دولانان بیژ قان
پیرسیمیش هیولا دئشیلمیش چیبان
گونده بیر قیلیفدا بزه کلی شیطان
تهران
تهران اودوقجا
گونو گوندن گونوموز یامان
بو یازینین اوخونماق سایی: 669
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
