|
|
|
|
|
اسماعيل
جميلينين شعرلري
: شعرين آدي:
داريسقال کوچه لرده
|
|
اسگي جانلي جنازه لر
گئرييه يورويورلر
يوز ايللرين اپريميش يوللاريندا
يورولمادان بئزمه دن
داريسقال کوچه لرده
لشلرين سورويورلر
يئني جيغيرلاري گؤرمه دن
يوبانان ساباحلاربويلانماسين
پارام پارچا آرزوموزون
قان بويالي ديواريندان
گؤيه رن خياللار الين اوزسون
سازلي سؤزلو کؤنلوموزون باهاريندان
آيدينليغين عزاسيندا هالاي چکيرلر
قيفيللي قافالار
اولدوزلاري سوکورلر
قوتسال ياراسالار
شيشيريلميش اؤلولر يئنگه سيز قالماسين
قارا قورخو قاسيرغاسي
چوروک چيرکين مويدالارلا
دان يئرينين پئشينده دير
کنديرله نن گؤيرچينلر
گؤز ياشيله سحر يولون سولاماسين
سئوه نلري قينايانلار
گؤزگولري داشلاييرلار
گؤره ن گؤزلر گؤزه ليگين
پاريلتيسين پايلاشماسين
داريلمادان
اولدوزلاري
گؤزلرينين آرخاسيندا قوناقلا
آرزوموزو يارينلارا گؤتورسون
اؤزگورلوگون تومورجوغون
اوره گينده قونداقلا
ياز گلنده داغ دره ني گولدورسون
بو یازینین اوخونماق سایی: 531
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
