|
|
|
|
|
اسماعيل
جميلينين شعرلري
: شعرين آدي:
يارالي ياشام
|
|
يالنيز ، ياغمور چورومويوب
بولودلارين سورگون کوسگون دوداغيندا
حسرت دولو باخيشلاردا يورولوبدور
ياريمچيليق آرزيلارين سوراغيندا
اؤزلوگوندن قارالماييب اؤزگورلوگون
گؤي قورشاغي
بويالارين قيزغين قيرغين بازاريندا
وارليغيندان بوشالمايب
ديريليگين سؤزجوکلري بوش بوشونا
قورخو دولو يوخولاردير
اؤلچوب بيچن حوکوم سورن
چاره سيزليک قامچيسيدير
ايستکلرين بئلين بوکن
دؤنگه بوروق جيغيرلاردير
آزغين يورغون يازيقلارين
سوروسيله دولوب داشان
اووسونلانميش قوللارديلار
گؤزو باغلي آغزي آچيق
آدديم آدديم يولو چاشان
باسديريلان دوننلردير
يورغونلارا ياسديق اولان
خام خياللار باسقيسيدير
مورگولو گونلري اويوشدوران
سسسيزجه
يارالي ياشامدير
ايچين ايچين آغلايان
بو یازینین اوخونماق سایی: 543
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
