|
|
|
|
|
اسماعيل
جميلينين شعرلري
: شعرين آدي:
بو گونده (21 آذر)
|
|
بو گونده ديل آچدي آنا طبيعت
هر شئي اؤز آديله گولدو اوزومه
بو گونده کيمليگيم قازاندي دولت
دونيا گؤزه للندي گولر گؤزومه
بو گونده بابکين قوجا يوردوندا
ستارخان ائلينين اسدي بايراغي
بو گونده قانيله قهرمانلارين
لاله يه بوروندو ساوالان داغي
بو گونده سلاحلا اؤلچولن تورپاق
قالادي آرزيلا اومود اوجاغين
يوردونا ديلينه ائل اولدو داياق
يانديردي اؤزگورجه کندي چراغين
بو گونده قورولدو ميللي اوردوموز
قورويا وطني آزادليق اوچون
بو گونده اؤلکه سين سئون اوغلان قيز
چيرمادي قولونو آبادليق اوچون
بو گونده آنا ديل آنا يوردوندا
ديل آچدي ياشادي ياشاتدي بيزي
ائل گوجو سئل گوجو دوغرو يولوندا
آزادليق قبله سي قيلدي تبريزي
بو گونده قودورقان قوللوقچو يادلار
آسديلار کسديلر سئوگي ديارين
قورودو فيدانلار ياندي کتابلار
قارا قيش تالادي آرزي باهارين
آزادليق دوشمني ساتقين ظاليملر
اون مينلر انسانين توکدولر قانين
ائليني ديليني دوستاق ائتديلر
ايگيتلر اؤلکه سي آذربايجانين
بو یازینین اوخونماق سایی: 455
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
