|
|
|
|
|
اسماعيل
جميلينين شعرلري
: شعرين آدي:
سئوگي ياساق
|
|
هاني انسانليغين گؤزل باخيشي
هاني ياشامين مهربان آخيشي
هاني هر آني بزه ين آرزيلار
هاني سئوگينين سولماز ناخيشي
هاني ياشاما گرک دورو ديلکلر
هاني تانريلار تارلاسي
قوتسال اوره کلر
انسانليق دالدالاردا اوتانان
کين قاسيرغاسي بورراغان
گونده مي چولغايان قارانليق يالان
سؤزلر ديللرده اويونجاق
گؤزلر آنلامسيز چوروک چاتلاق
ايزلر بيرووزلاردا توتساق
حقيقت اسير جهالتين جايناغيندا
حيات آزغين بيلمزليگين قوراغيندا
باخيشلار سولغون
کور اينانجين دوزاغيندا
سئوينج ائوي داربا داغين
گولوش دوستاق
سئوداليلار پارام پارچا
سئوگي ياساق
بو یازینین اوخونماق سایی: 454
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
