|
|
|
|
|
اسماعيل
جميلينين شعرلري
: شعرين آدي:
گئج تئزی وار
|
|
یارالی کؤنلونو بیر گون یار آلار کئج تئزی وار
ائتدیگی جور وجفادن اوسانار گئج تئزی وار
آرزولار گلشنینی سارسادا هجران خزلی
گول گولر بولبول اوخور فصل باهار گئج تئزی وار
سئل اولان گؤز یاشینا باخما گیلن طعنه ایله
وصل جانانه چاتار عاشیق زار گئج تئزی وار
الینی اوزمه گیلن یار اتگیندن آ کؤنول
قلبی داش اولسادا بیر گون یوموشار گئج تئزی وار
سانما کی چکدی بیزی چؤللره یئرسیز یئره یار
ائده جک غمزه یه نازیله شکار گئج تئزی وار
اوزونه باغلی اگر اولساد ا بختین قاپیسی
دؤز دؤزومله تاپیلار بیر گون آچار گئج تئزی وار
گئجه یه ایمه بویون اوزمه سحردن اومودون
مظلومون آهی قیلار ظولمو ماهار گئج تئزی وار
یوردومون گول اوزونه قونسادا غم غصه توزو
هرداشی بیرگون اولار نقش ونگار گئج تئزی وار
سیخما جانین گؤرونن حال پریشاننه چوخ
توتاجاق شانلی یئرین دوغما دیار گئج تئزی وار
یول آچیر شن ساباحا همّت فرزانه لری
بو قارانلیقدا اؤتر گونده دوغار گئج تئزی واربو یازینین اوخونماق سایی: 540
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
