|
|
|
|
|
اسماعيل
جميلينين شعرلري
: شعرين آدي:
يامان گوندور
|
|
آيد ينليغين ساحلينده
گئج اولماميش توت اليمدن
يولا چيخاق دوشونجه نين يئلکنين
يوبانمادان گئريليگين
توزلو گيزلي قورخو دولو دالانيندا
چورومه دن کئچميشلرين آغ گؤرونن
قاپ قارانليق يالا نيندا
گئديلمه ميش يوللاردا وار
سؤيلنمه ميش بويلاردا وار
باغلي قالان قاپيميزين آرخاسيندا
نازلانيري گوللو باهار
ديوارلارين او تاييندا
دولانيري يازين يئلي
تيتره شيري بولاغلاردا ايشيق تئلي
يامان گوندور گؤزل گؤزلوم
گؤزلريني ساخلا اوياق
توت اليمدن يولا چيخاق
پار چالانان آرزولاري اؤپوب قوياق
حسرت دولو گؤز اوستونه
سئوگيميزين گرايلئسي
قئيما يئنه نيسگيل اولسون
ساري سونبوللر ساچاغين
مغان بويو يادلار يولسون
اوزانلارين سازي سينسين
ماهنيلارين گؤزو دولسون
اومودلانان کؤنلوموزون کرديسينده
گونش گولو يولون گؤزلور
سورگون اولان بولودلارين
کوسگون دوشن شن باهارين
گؤزل گؤزلوم توت اليمدن يولا چيخاق
گئج اولماميش سئوگيميزه آرخا دوراقبو یازینین اوخونماق سایی: 587
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
