|
|
|
|
|
اسماعيل
جميلينين شعرلري
: شعرين آدي:
" بيز " اولماساق
|
|
اؤز اليله باغبان باغي يولاندا
غنچه باغري ياريلماسين نئيله سين؟
يار ديليندن يادلار سؤزون دوياندا
سئوداليلار داريلماسين نئيله سين؟
يئرسيز يئره اوخ آتمالار نه گرک
کؤزمک هله باغلاماميش ياراميز
بير داملا سئوگيه حسرت کن اؤرک
نه دن بئله بولانليقدير آراميز
آتماجالار سينيرلاري آشاندا
دوست سينيخاردوشمن گولرال چالار
اوجوز سؤزلر کؤپوکله نيب داشاندا
اونودولار سايسيز دردلر يارالار
بير دوستاغدا بير زنجيرده باغلييق
منيم سنين سولون ساغين يئري مي؟
اؤلکه بويدا فاجعه دن داغلييق
خيرداليغا تاخيلماغين يئري مي؟
من من دئمک نه يه يارار آ دوستلار
" بيز " اولماساق بير بير بيزي بودارلار
سئوداميزين کؤرپه قارانقوشلارين
قودوز يادلار ديري ديري اودارلار
آيريملاردابيرليک تاپا بيلمه سک
يوز ايللرين قات دويونو آچيلماز
يئني اوفوقلرده اوچا بيلمه سک
بار وئرمه دن يئنه سولارگلن ياز
داملا داملا بولاغ اولوب آخمالي
بولاغ بولاغ چايلار اولماق گرکدير
چاي چاي دنيز اولوب دالغالانمالي
بو بير قوتسال گله نکدير ديلکديربو یازینین اوخونماق سایی: 624
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
