|
|
|
|
|
اسماعيل
جميلينين شعرلري
: شعرين آدي:
آنا ديليم
|
|
ناخيش ناخيش اينجه ايپک بئشيگينده
کئچميشيمي قوناقلايان
دويغولارين دنيزينده
اينجي ديرلر کروانين آغيرلايان
دنيالاري دنياسيندا سيغيشديران
آنا ديليم
دونه دونه وقتسيز سولان چيچکلري
تاريخ بويو نيسگيل اولان ديلکلري
ياشام اوچون هپ چرپينان اوره کلري
گوي قورشاغي قاناديندا اوچوشدوران
تورپاق ياشدا سايالارين گؤزگوسونده
مين ايللرين ايزلريني
گونوموزله باريشديران
آنا ديليم
اؤز ائوينده چاغريلماميش قوناق اولان
اؤز ائلينين دوداغيندا
اؤز يوردوندا ياساق اولان
شيرين ديللي وفاسيزلار دوزاغيندا
قولو باغلي دوستاق اولان
ديليم ديليم پارچالانان
سپه له نن
قارانليغين سينه سيني ياران
سولماز اولدوز اولان
درين ظلمت گئجه لري
وورغونلارين حسرت دولو گؤزلرينده
آيدينليغا اومودلانان
آنالارين سئوگي يايان نفسيله
لايلا لاردا يلماز اولان
بئشيکلرده گوللو چيچکلي ياز اولان
گاه ساز اولان گاه سؤز اولان
آنا ديليم
دار گؤز يابان قوللوقچولار
کين کدورت مزاريندا
کيمليکلرين سومسوننده
قوجا شرقه حوکوم سورن
آديم سانيم تاپداناندا
اوتانمازلار يوخلوغومو کوي سالاندا
وارليغيمين کئشيگينده اوياق اولان
اؤز ائلينه داغلار کيمي داياق اولان
اويانيشا چراغ اولان
دايانيشا بايراق اولان
آنا ديليم آناديليم
بو یازینین اوخونماق سایی: 587
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
