|
|
|
|
|
اسماعيل
جميلينين شعرلري
: شعرين آدي:
بیر سئون وار سنی
|
|
سنسيز مني بئله بوراخيب گئتمه
گؤزلريمي گؤزلرينده ساخلا گئت
ياخشي باخ اؤزونه گؤز اول سئوگيمه
ايستگيمي سؤزلرينده ساخلا گئت
قويما اومودلاري دوماندا چنده
آرزيلار جيرانين سالما کمنده
يوز کره جان دئديم سن دئمه سنده
گيزلريمي گيزلرينده ساخلا گئت
قايييتماز آنلاري چاغيرما بري
قييما غم ياغديرا حسرت ايللري
ياسلي آرزيلاري درين کدري
کول آلتينين کؤزلرينده ساخلا گئت
آغير ايللر چکن سئودانين يوکون
بير سئون وار سني يالنيز سنين چون
اومودلانان اوره گيمين آرزوسون
خوش آنلارين ايزلرينده ساخلا گئت
گؤزلريمي گؤزلرينده ساخلا گئت
بو یازینین اوخونماق سایی: 699
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
