|
|
|
|
|
اسماعيل
جميلينين شعرلري
: شعرين آدي:
اؤزون اول
|
|
بيچمه ديگين بيچيملرين ايچينده
گل گؤرمه هر يالنيشي اؤز گؤزوندن
سئچمه ديگين سئچيملرين ايچينده
نه وئرميسن آلانميرسان اؤزوندن
عومور آخير گله جگين يولوندا
آرزي اومود کرواني ساغ سولوندا
خوش گؤرويله دولان سئوگي قولوندا
آريل ،دورول چيخما يولون دوزوندن
گونلوک کدر يئرين سئوينج آلمالي
اؤتن آندان خوش خاطره قالمالي
يارينلارا اومود ايشيق سالمالي
جان اوجاغين قالا سئوگي کؤزوندن
آنلي آچيق نئجه وارسان اؤزون اول
يادلاشمانين، اؤزگه ليگين کؤکون يول
يار يئرينه ياد بوينونا سالما قول
اؤزلوگونده آرخاين اول اؤزوندن
بو یازینین اوخونماق سایی: 533
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
