|
|
|
|
|
اسماعيل
جميلينين شعرلري
: شعرين آدي:
باهارايدير يئنه
|
|
آچ اوره گين پنجره سين گوللو باهارايدير يئنه
گؤزده اومود اوزده گولوش سئوگيلي يارايدير يئنه
غونچه آچيبدير اؤرتوگون بولبوله ازديرير اؤزون
گؤزلري تازه نرگيزين مست وخومارايدير يئنه
تازه گلينليگين گئين چتريني ياسمن آچيب
آينا کيمي بولاغلارا کؤلگه سالارايدير يئنه
لاله دولانديرير جامين عشقينه تازه دورانين
دوم دورو بوز شلاله لر داغدان آخارايدير يئنه
قالدي قيشا اوز قاراليق چيخدي چمنده تخته گول
سيرينه چيخ يام ياماجين نقش ونگارايدير يئنه
غم قفسينده کؤنلونو قييما کدر اوسانديرا
آرزي اومود قاپلاريني سئوگي آچارايدير يئنه
خوش گله جک گؤزله ييري درده دؤزن ائل اوباميز
سئوگيسي سئوداميز اولان شانلي ديارايدير يئنه
بو یازینین اوخونماق سایی: 555
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
