|
|
|
|
|
اسماعيل
جميلينين شعرلري
: شعرين آدي:
بيزيم باهار
|
|
قاپي دؤيور يئنه باهار
قوجاق دولو چيچک ايلن
سئوه نلره مژده سي وار
سئوگي دولو اورگ ايلن
آستا اسن ايليق يئللر
باغدان ايستير موشتولوغون
يوللارينا سو چيله يير
پوهره وئرن تومورجوغون
يازين گوللو گليشيله
قيشا قالير اوز قاراليق
قوووشورو گول بولبوله
آينا بولاغ اولور تانيق
قارا قيش تک قارا گونلر
يوخا چيخمير ائلده ندن؟
ياد ائللرين جايناغيندا
اسير اسير دوغما وطن
يوزلر باهار گليب کئچدي
اوزو گولدو طبيعتين
يالنيز فصلي دگيشمه دي
دردين غمين مصيبتين
بابک لرين آنا يوردو
ياد اللرد ه تالان اولدو
فضولونون شهريارين
گول باغچاسي يازدا سولدو
ديلي ياساق ائلي دوستاق
ياشيل يوردون گؤزو آغلار
قارا باغدان قارا داغا
وطن دردي کؤنول داغلار
آليب سازين سونا بولبول
دئيير يئلما وورغون اورک
يئني گونلر گتيره جک
ساوالاندان اسن کولک
بيزيمکيدير گلن گونلر
باخ اوخويور قارانقوشلار
اؤزگورلوگون بايراميندا
بيزيم باغدا گوله دولار
بوغانمادي قارا قيشدا
قار چيچگين شاختا بوران
او ياشاددي ياز اومودون
گونلوک غمه توتولمادان
آزادليغين گوللو يازين
گؤزو يولدا گؤزلور ديار
يوبانسادا گلمه ده دير
گول چيچکلي بيزيم باهار
بو یازینین اوخونماق سایی: 589
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
