|
|
|
|
|
اسماعيل
جميلينين شعرلري
: شعرين آدي:
خوش او گونکو
|
|
لطف قيل تانريم کي عقليم ايشلريمده يار اولا
قانمايان ياريم اولونجا سؤز قانان اغيار اولا
شوردن آرتيق شعور حوکم ائيله يه يول گؤستره
خوش گؤرو ساغلام اينام آيدين دوشونجه وار اولا
اسگيک ائتمه کؤنلوموزدن سئوگي سئودا نعمتين
دوز باخيش وئر نفسي کيني ساخلايان اوسار اولا
آلماسين گوج دنگه سيزلر ايتمه سين ميزان کي
بوش بوغازليق دور آليب جهلين يولو هموار اولا
قوو قارانليق گوجلري آيدينليق اولسون حوکمران
يئرت تزوير اؤرتوگون تا حقّ اوزو آشکار اولا
مويدالار بير دوغرونو مين بير يالان ايله ساتير
زاهد علمي تاپدايير تا جهلينه بازار اولا
آچ گؤزون عقلين اوزون گولدور ايشين آسان ائله
قيما دائم گؤزلري بو ملتّين آغلار اولا
خوش او گونکو يازيله گلسين آزادليق گونلري
ياسلي چوللر سيلکه نيب باشدان باشا گولزار اولا
ظلمت وجبرين حجابين سئوگيليم يئرتا آتا
يوزلر ايل بختي ياتانلار ديسگينيب بيدار اولا
گول آچا گولشن گوله باغري يانيق بولبول اؤته
توي دويونلر باشلانا شنليک دولو چاغلار اولا
چال آشيق چال نغمه ميزله غملي يوردوم شنله نه
چال ديليم شانلي ائليم دونيا دورونجا وار اولابو یازینین اوخونماق سایی: 546
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
