|
|
|
|
|
اسماعيل
جميلينين شعرلري
: شعرين آدي:
ايسته مز
|
|
زلف پر تابين صبادن صبحدم تاب ايسته مز
لوح رخسارين لبين تک رنگ عنّاب ايسته مز
يوخدور نقصان خلقتينده باخما چوخ آئينيه
باغلانان حسنون کتابي تازه بير باب ايسته مز
عطر زولفون دويسا عطار ايله مز عزم ختن
گؤرسه کيم بدر جمالين سير مهتاب ايسته مز
کعبه حسنون مريدي سجده يه قويماز اوزون
ايري قاشين قبله اولسا طاق محراب ايسته مز
شوکران جاميندا وئرسن عاشيق ائتمز امتنا
منّت ايله صرف ائديب جام مي ناب ايسته مز
کيپريگين اوخ قاش کمان زلفون ايلان غمزن ياخان
عاشقي اؤلدور مه گه باخ بونجا اسباب ايسته مز
گؤز سر کويوندا تيکميش آستان لطفونه
حشره تک مشتاق رويون رخصت خواب ايسته مز
تار زولفون اوخشاسا قد کمانين کؤنلومون
شوريله باشلار نوا تنظيم و مضراب ايسته مز
کربلاي عشقده عطشان وصليندير جميل
غيردن سئودا چؤلونده اؤلسه ده آب ايسته مزبو یازینین اوخونماق سایی: 601
|
|
گجيل سايتي لينکي
وئريلن سايت يا يازيلارين محتواسيندان
سوروملو دئييل.
E-mail
: webmaster@gajil.20m.com
Copyright © 2003-2004.
|
|
|
