|
اوزامان كي قووق لار سوكولمه ميشدي، چيمن گاميش- اوتلاق لار اكين يئرينه ده ييتسيلمه ميشدي سورو- سورو داوار ناخير- ناخير مال- حيوان چولده كووشن ده گوزه دييردي.
اكينه جك بيچيليب ييغين لار ترمك لره تايالارا، وورولاندان سونرا، داوار سورولري داغدان- يايلاق داق، آرانا قاييداردي چمنگاه لاردا، عادتا چادير قورولار سو قويولاري آريتلانادي سوآخير لاري يئني دهن باغلاناردي…
ياديما گلير: منيم اوشاق ليق چاغلاريمدا 30-1328 گونش ايللرينده سولدوز ماحاليندا يوخون لوغوندا يئرله شن ((فرقوزاد)) كنديندهكي، رحمتليك قوهوم لاريميز، داوارچي ليق ايشينه باخان زامان لار داوار داغدان قاييدار كن، بيزي نئچه كره چاديرا قوناق چاغيرارديلار و شوره كره- قووتماج- ياغ به لله سي- دويمنج، قوزوپيلوو، وس… خورهك لرله، بيزي آلقيشلارديلار، بيزده الده قوپان شئي لري ياداكي كند ده عمله گلن قوهون قارپيز، اوزوم و … يئميشلرله چاديرا گؤروش آپارييرديق.
ياي دان قيرخ بئش گئده نده، قوچو قويونا قاتارديلار، و يونوبيردهب ايلدهن ايله عزيز توتارديلار: اوولده قويون لاري- قوچ لاري آيري- آيري، چايي دابويوندوراديلار داغ تورپاغي له ياداكي آيري بوياق لارلا، رنگ و الوان و آلابزهك بويارديلار و ايري ديش آغاج داراق لارلا ساچاق لاريني داريارديلار و جوما آخشاميني يومن بيليب چاديرچي لارين قيز- گلين لري بوخچا پالتارلاريني گئيينيب بزه نرديلر و چاديرا قوناق چاغيريلان لارلا بيرليكده قوچو قويونا قاتماغا حاضير اولارديلار.
قوچلار بير طرفده قويون لار، بير طرف ده اوزاق فاصله ده آيري جا ساخلانيلار ديلار ناغارا (تويي) زورنا دؤيولردي ياداكي بالابان قوشاسؤم سؤم- ديللي دودهك دو نيك چاليناردي، جاوان لار آت اويناديب اؤترشرديلر سؤز (ماهني) اوخوناردي كيشي لي- آروادلي آرابيرال اله وئريب چاديرين قاباغيندا چيمن گاهدا ياللي توتارديلار جانميان گئديلردي شادليق اولواردو- گولوشمه سسي، گويلره قووزاناردي.
قوچو قويونا قاتماميشدان گؤزهل و الوان قارا پاپاغي بوخچا پالتار لارين گئيينيب- بزه نن قيزلاري آلا- بزهك بويانميش قوچلارا مينهر ديلر قارا پاپاق. قيزلاري آليجي قوش كيمي قيچلارينين ساچاقلي و يونلريني محكم چنگه لهييب آياق لارين قوچون آغ ساققالي نين ايشاره سي له گئري چكيلن قوچلار- قويونلار- خاص بيرسس له، مه له شه- مه له شه، دورمادان بير- بيرينه قانشار قاچارديلار و قارايشارديلار و …
داوارچي قوهوم لاريميز دئيرديلركي: ايهر قيزلار قوچلاري مينسه لر ايل تؤره نن و عمله گلن قوزولارين و چپيش لرين چوخ پايي ديشي اولار و گله جكده داواردا، دوغوب- تؤره يرر و سورو- سوباي آرتار.
تاماشاچي لار قوچو ناقاريشديرماغي يومن بيليب فال توتارديلار:
اگر قو چون قاباغينا قويونلارينها ميسيندان قاباقدا گلن قويونون رنگي((آغ)) اولساليدي، دئيررديلر: بوايل ((آغ ليق)) اولاجاق يعني اوزوموزه گلن قيش قارچوق و قيش برك و باهار ياغارلي اولاجاق چايلارچاناقدان، اوتلاق لارگوي، تاخيل بول و اوجوزلوق- موباغ ليق اولاجاق دير.
و اگر هامي قويون لاردان اوولده قوچ لارا قانشار گلن بير قاراقويون اولسايدي دئير ديلر:
بوايل ((قارليق)) اولاجاق، يومن اوزوموزه گلن قيش قاراز، قيش بوش و يوموشاق، باهار ياغار آز، تاخيل آز اوتلاق لار قورو، ونهايت ده قيتراق ليق و باهاليق اولاجاق دير.
بو گوزهل مراسمين سونوندا قوناق لار شور- كره نئي لي پوققور- پوققور قاينايان قارپيزي يئكه قيزيل نيگالاي مالي كومور ساماواري دنين اوستونده چيني چايدان داده دملنميش و كهليك اوتويله عطيرلنميش چاياچاغيرارديلار و گبه لرله دوشن ميش چاديرين ائشيك كؤلگه سينده يييب- ايچيپ، دانيشيب گولوب شادليق ائدهن دهن سونرا قوناق لاروقوناقچي گونلريميزده ده بؤيله شادليق لا كئچسين هله ليك دئيب كنده قاييدارديلار من ده كئچميش ايللر كيمي پاي وئريلميش قه يه ليك توخلو ياداكي چپيشي، اؤزمله كنده گيتررديم.
دئمه لي يم، قارا پاپاق لار ايچينده، برنامه يه بيرده ب وارايدي و هر دهب ياللي لا باشلانيب و ياللي لا چاتاردي.
بو یازینین اوخونماق سایی: 624
|
